أمس في مدينة طرابلس شارع الزاوية ( سيدي خليفة)


السلام عليكم ورحمة الله

على لسان أحد الأخوة الحاضرين للموقف المريع والمتكرر في طرابلس قال في صفحته على المنتدي التالي :  

انا توه كيف روحت من المستشفي والقصة هي كما يلي هذا ما رايته بعيني فكونا من جو الفتن ومش عارف شني هذه شهادة لا فتنة ولا جو عموما القصة كالتالي
1- علي تمام الساعة 10 صباحا الامور كويسة وعادية جدا
2- علي تما الساعة 12 ونصف تقريبا سماع اصوات اطلاق نار من داخل مبني الا ستخبارات  !!!! شن في
3- بعد نصف ساعة سماع اطلاق نار بجميع انواع الاسلحة لمدة طويلة لدرجة كانه الخبط جنب وذنك وبعدها سماع سماع جامع مولاي محمد يكبر (معرفة بالنسبة لينا احني وين مولاي محمد يبدي في التكبير معناها ثوار سيدي خليفة ماديرين فالطة كبيرة ) هذه بحكم الخبرة الى صايرة منتشرة عند شباب طرابلس
4- كل الشوارع المحيطة بالمستشفي مغلقة بسيارة وناس مسلحين رد بالكم تقولو ثوار وخبط وضرب وعياط وتكشيخ وكلام ينفع وكلام ما ينفعش فهمكم يكفي ( يعني خشت بعضها )
5- تتولي الحالات علي المستشفي وخذلك علي الرصاص عاد للواحد دهش . ( تلخبيط ومتفهمش شي )
6- للامانة عدد لحالات التي فقدت (ماتت) 4 فقط 2 اصابات في الراس (المخ برة ) والباقي اصابات صدر بطن
7 – دخلت المستشفي بعضها تقول شارع جري وسب ودف وناس تحز وناس تهدي ولي يسأل ولي يعيط  ومنحكيش
8- مشاهدة عدد كبير من المسلحين تتصعد الي المباني المجاورة للمستشفي وهرج ومرج

 (اشكال استغفر الله تقول مش بشر ) على أساس ثوار  ولكن مش هكي يديروا الثوار والله الثوار رجعوا لعملهم وروحوا احيشهم ولنظموا للجيش الوطني والأمن الوطني وربني يهدي الباقية أن شاء الله .
9- اغلاق ابواب المستشفي ومحاولة منع دخول العناصر المسلحة ومحاولتها الصعود لسطح المستشفي وخذلك عاد شن صار من كلام شئ تحب وشئ تكره
10- وصول وكالة انباء رويتر للمستشفي ومحاولة تصوير الموتي (قانونيا هذا ممنوع طبعا تصدينا لهذا الامر )

 وطلبنا المساعدة من بعض الاشخاص الحكماء لاعناعه بالخروج وعدم التصوير ولكن للاسف طلع الشخص الي بعثينا عقاب فرخ حشاكم لا يفهم ولا يتفهم طبعا ليبي متطوع وطلع يبيع في الصور لرويتر بعان وهما لا بعثينا ولا شئ المهم حصل الي فيه النصيب وطلع
11- القصة كلها علي مبني الاستخبارات عصابات سيدي خليفة رفضت تسليمه لمن يقال جماعة من مصراته الله اعلم من هم يعني الاثنين ماعندهمش حق
هذا باختصار والله علي ما اقول شهيد شفت بعيني ولم يقول لي احد

ولكن أتضح أن ثوار سيدي خليفة واللجنة المنية العليا قاموا بسجن مجموعة شباب قيل انهم سكرو ليلة راس السنة وبعد 3 ايام افرجوا عليهم ورجعوا بكتيبتهم ويبوا يطلعوا ثوار سيدي خليفة واللجنة الأمنية من مبنى الاستخبارات وخشت بعضها ثوار من المنطقة ومن خارج المنطقة وشوية مصراته وشوية من اللجنة الأمنية طرابلس وهات من الكلام الكثير بس المزبوط انه راح ضحيت اشتباك مسلاح بين الثوار واللجنة الأمنية وضيوف طرابلس من الثوار وهكذا مات من مات وجرح من جرح

السؤال ليش هذه المشاكل وليش لم يشدوا حذ مادير مشكل يقتلوه بالضرب ويعذبوه ليش مفيش انسانية حتى بعد مامت القذافي قاعدين نفس التفكير معقولة ؟

يعني في قضاء وفي قانون في جهات أمنية خلوا كل واحد يشوف شغله ومعاش نبو لا عنف ولا رصاص ولا ضرب ولا ضلام خلاص خلاص خلاص

والله العظيم لزم نغيروا الافكار ونشر الوعي واهم شي نخاف الله عز وجل ونتقي الله في انفسنا والله هرمنا هرمنا هرمنا معاش نقدروا نتحملوا

والله اكبر على كل ضالم

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار وردبرس.كوم

أنت تعلق بإستخدام حساب WordPress.com. تسجيل خروج   /  تغيير )

Google+ photo

أنت تعلق بإستخدام حساب Google+. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s